• News

    Hobby School was the first to introduce the international AP curriculum and dual English-Mongolian learning into Mongolia. We pride ourselves in academics, and do our utmost best to ensure a comfortable learning environment for students and teachers alike.

  • News

            • СОЛИЛЦОХ ХУДАЛДАА

            • Эх дэлхийгээ хайрлая!

              Өөрөө ашиглахгүй байгаа ч өрөөлд хэрэгтэй байж мэдэх зүйлсээ өгч, хэрэгтэй зүйлээрээ солилцон борлуулцгаая!

              Хэзээ: 2025.09.26 /16:30–18:30/

              Хаана: Хобби сургуулийн 2-р давхрын спорт зааланд болно.

              Хүн бүрд нээлттэй!

              (Багш, ажилтан, сурагч, эцэг эх бүгд оролцох боломжтой)

              Юу авчирч болох вэ?

              • Шинээрээ шахуу, цэвэрхэн эд зүйлс

              • Өөрөө ашиглахгүй байгаа ч өрөөлд хэрэгтэй байж мэдэх зүйлс

              • Мэдээж та өөрийн гэсэн бараа борлуулдаг бол мөн л худалдаалж болно

              Жишээ:

              • Нүүрний будаг

              • Өмсөхгүй байгаа шинэвтэр хувцас

              • Ашиглахгүй байгаа тоног төхөөрөмж

              • Уншиж дуусгасан ном

              • Бэлгэд давхардаж ирсэн цахилгаан бараа… гэх мэт өөр бусад зүйлс ч байж болно.

              Үйл ажиллагааны заавар:

              • Бусдын авчирсан зүйлтэй солилцох

              • Өөрийн үнээр борлуулах

              • Өөрт хэрэгтэй шинэ зүйлсээ олох

              Худалдаа хийх талбайг бүрэн бэлдсэн байгаа.

              Та зөвхөн борлуулах, солилцох зүйлсээ авчирч оролцоно.

              Хамтдаа эх дэлхийгээ хайрлан, дахин хэрэглэх соёлыг дэмжицгээе!

            • “НАМРЫН СПОРТЫН ИХ НААДАМ АМЖИЛТТАЙ БОЛЖ ӨНДӨРЛӨЛӨӨ!”

            • 84

              9-р сарын 19-ний өдөр Хобби сургуулийн 6–12-р ангийн суралцагчид Намрын спартикиадад оролцож, хурд хүч, ур чадвар, хамтын хүч, эв нэгдлээ харуулсан спортын дурсамжит өдөрлөгийг бүтээлээ.

              Тэмцээний турш хүүхдүүд бие сэтгэлээ дайчлан, ялалт, ялагдлын үнэ цэнийг мэдэрч, нөхөрлөл, бахархлыг хамтдаа хуваалцсан онцгой мөчүүдийг өнгөрүүллээ.

              6‑7‑р анги

              60м гүйлт

              Эрэгтэй: 7b – М.Бүтэмж • Эмэгтэй: 7b – М.Маргад

              Эрэгтэй: 6b – О.Зориг • Эмэгтэй: 7c – Ж.Энхжин

              Эрэгтэй: 7a – Б.Амир • Эмэгтэй: 7b – Э.Номуун

              Бөмбөг шидэлт

              Эрэгтэй: 7e – М.Билгүүн • Эмэгтэй: 7e – М.Шүр

              Эрэгтэй: 7d – Б.Түшиг • Эмэгтэй: 7e – Х.Маргад

              Эрэгтэй: 7e – Э.Энххан • Эмэгтэй: 7b – М.Нандин

              Байрнаас уртад харайлт

              Эрэгтэй: 7b – Э.Энхтэнүүн • Эмэгтэй: 7c – Д.Эгшиглэн

              Эрэгтэй: 7e – Э.Энххан • Эмэгтэй: 7c – Е.Мишээлт

              Эрэгтэй: 6c – И.Аригун • Эмэгтэй: 7b – Э.Ариун‑Эрдэнэ

              Олс таталт

              7d анги (Б.Оюундэлгэр багштай)

              7b анги (Б.Заяа багштай)

              7c анги (Г.Гантуяа багштай)

              Нийт төрлүүдийн нийлбэр дүнгээр (6–7-р анги)

              7b анги (Б.Заяа багштай)

              7e анги (Б.Урангуа багштай)

              7c анги (Г.Гантуяа багштай)

              8‑9‑р анги

              100м гүйлт

              Эрэгтэй: 9a – Т.Номон • Эмэгтэй: 9b – Б.Индранил

              Эрэгтэй: 9b – М.Бат-Идэр • Эмэгтэй: 9a – А.Хулан

              Эрэгтэй: 8b – Анар • Эмэгтэй: 8a – Ц.Тэмүүлэн

              Байрнаас уртад харайлт

              Эрэгтэй: 9b – Б.Мөнхравжаа • Эмэгтэй: 9b – Б.Индранил

              Эрэгтэй: 9b – М.Бат-Идэр • Эмэгтэй: 9b – С.Энэрэл

              Эрэгтэй: 8b – Анар • Эмэгтэй: 9a – А.Хулан

              Олс таталт

              9c анги (Г.Отгонсүрэн багштай)

              8a анги (Ш.Гаравхүү багштай)

              8c анги (Г.Бат-Орших багштай)

              Анги нийтийн кросс

              9b анги (Б.Нямчимэг багштай)

              8d анги (Ж.Эрдэнэцэцэг багштай)

              9a анги (Г.Төмөрцоож багштай)

              Нийлбэр дүнгээр (8–9-р анги)

              9b анги – Б.Нямчимэг багштай

              9а анги – Г.Төмөрцоож багштай

              8с анги – Г.Бат-Орших багштай

              10‑12‑р анги

              100м гүйлт

              Эрэгтэй: 12a – Б.Гал-Эрдэнэ • Эмэгтэй: 12в – А.Маргад

              Эрэгтэй: 11с – Г.Мөнхдалай • Эмэгтэй: 11с – М.Хүслэн

              Эрэгтэй: 10а – Т.Төгөлдөр • Эмэгтэй: 11с – Б.Эрхлэн

              Олс таталт

              12с анги (О.Батжаргал багштай)

              11с анги (Э.Хурцбилгүүн багштай)

              12а анги (Д.Лхамсүрэн багштай)

              Анги нийтийн кросс

              11а анги (Т.Дөлгөөн багштай)

              12а анги (Д.Лхамсүрэн багштай)

              12с анги (О.Батжаргал багштай)

              Буухиа гүйлт 4x100

              11с анги (Э.Хурцбилгүүн багштай)

              12а анги (Д.Лхамсүрэн багштай)

              12b анги (Э.Нинжинноров багштай)

              Нийлбэр дүнгээр (10–12-р анги)

              11с анги – Э.Хурцбилгүүн багштай

              12а анги – Д.Лхамсүрэн багштай

              12b анги – Э.Нинжинноров багштай

              Бүх багш, сурагчдадаа баяр хүргэе!

              Та бүхний хөдөлмөр, эв нэгдэл, спортын хурд хүч энэ тэмцээнийг гайхамшигтай сайхан болгож чадлаа.

              Амжилтаа улам ахиулсаар байгаарай!

              Зохион байгуулагч Гоо Зүйн нэгдэл

            • "МОНГОЛ ӨВ СОЁЛ" танхимын бус сургалтаас...

            • 2025.09.13-ны Бямба гарагт Хобби сургуулийн 8-р ангийн суралцагчид “Чингисийн хүрээ” жуулчны баазад “Монгол ухаан – Эрдэм” хөтөлбөрийн хүрээнд зохион байгуулсан танхимын бус сургалтад хамрагдлаа.

              Суралцагчид:

              “МОНГОЛ ГЭР” өртөөгөөр аялж гэрийн бүрдэл хэсгийг судлав.

              "МОНГОЛ БӨХ" өртөөнд

              Улсын ахлах засуул Д.Ганболд багш бөхийн өв соёл , үүх түүх, өмсгөлийн талаар ярьсан ба бөхийн цолыг дуудаж сонирхууллаа.

              "АЖНАЙ" өртөөнд С. Доржмявхан багш маань адуу маллах өв соёлын талаар суралцагчдад танилцуулж, морины явдал, эмээл, хазаар, эдлэл хэрэглэлийг нэрлэн танилцуулж "Ажнай өртөө"-ний адуучин залуусын хамт суралцагчдад морь унуулж, хөтөллөө.

              Уран зохиолын хичээл дээр үзсэн “Монгол ардын ерөөл, магтаал” сэдвээ бататган, багаараа ажлын хуудас бөглөж, суралцахын зэрэгцээ цэвэр агаарт хөгжилдөж нэг өдрийг дурсамж дүүрэн өнгөрүүллээ.

              Хамтран ажилласан Чингисийн Хүрээ жуулчны бааз -ын хамт олон болон анги даасан багш нар, зохион байгуулсан Хобби сургуулийн " Монгол хэлний мэргэжлийн хөгжлийн бүлэг", МХБУЗ-ын багш А.Болормаа, Б.Энхчимэг нартаа гялайлаа.

            • "Дорнын өргөө"

            • “Манай сургууль сурагчдын бүтээлч үйл ажиллагаа, хэл соёлын хичээлийг дэмжих зорилгоор ‘Дорнын өргөө’ нэртэй шинэ танхимыг тохижуулан, сурагчдын хэрэгцээнд зориулан ашиглалтад орууллаа.”

              Хүүхдийн дуу цангинасан хүсэл мөрөөдлийн өргөө сургууль минь ийнхүү өнгө нэмж тохижсоор л байна.

              “Суралцагчид, багш нартаа мэдлэг бүтээх үйлсэд нь өндөр амжилт хүсье.”

              “Хамтдаа хөгжиж, ирээдүйгээ бүтээе”

              “Дорнын өргөө” танхимын тохижилтын ажлыг чанартай хийж гүйцэтгэсэн Render LLC компанийн хамт олондоо талархал илэрхийлье.

            • Pinecone Академийн Sprout Lab хөтөлбөрийг нэвтрүүлж эхэллээ.

            • Дэлхийн технологийн салбарт өрсөлдөх бүтээгч иргэн болох Хобби сургуулийн сурагчиддаа баяр хүргэж, амжилт хүсье!

              Хамтран ажиллаж буй Pinecone Академийн хөтөлбөр хэрэгжүүлэгч багийнхандаа амжилт хүсье.

            • "Давсан урлалаар бүтээхүй" сайн үйлсийн аян

            • Хобби сургууль нь анх удаа "Скаут анги хөтөлбөр"-ийг санаачлан 8 бүлгийн 200 гаруй сурагчид тус хөтөлбөрт хамрагдлаа.

              Хөтөлбөрийн бүлгийн хичээлээр эзэмшсэн чадвараа ашиглан давсан урлал хийж өөрийн сурснаа бусдын сайн сайхны төлөө зориулж бүтээлийн үзэсгэлэн худалдаа, сайн үйлсийн аяныг 2025.05.28-ны өдөр амжилттай зохион байгуулж, олон хүний сэтгэлийн дэм, халуун дулаан оролцоотойгоор 140 гаруй бүтээлийг худалдан борлуулж 1,601,380 төгрөг цуглуулж чадсан билээ.

              Өгөөмөр зан нь хүүхдийг ирээдүйд ямар хүн болж төлөвших ирээдүйн дүр, хариуцлага, ухамсрыг бүтээх эхний алхам болдог. Бид хамтдаа зөвхөн бүтээл урлах бус сайн үйлсийн аяны орлогоор бусдад хайр түгээх, хуваалцах зорилгоор СХД-ийн "Эрдэм төв" асрамжийн газрын 29 хүүхдэд баярын бэлэг, давсан урлалын бүтээл, ном гарын авлага, тоглоом зэргийг гардуулан өглөө.

              Сайн үйлсийн аяныг дэмжсэн сургуулийн багш, ажилтан, сурагч, эцэг эх, асран хамгаалагч та бүхэндээ чин сэтгэлийн гүн талархал илэрхийлье.

              Бусдын төлөө хөдөлмөрлөсөн үйлс бүхэн утга төгөлдөр байдаг.

              Хобби сургуулийн скаут бүлгэм

            • Хобби сургуулийн Жуниоракт клубийн сурагчид клубийн гишүүн болсон батламж, энгэрийн тэмдгээ гардан авлаа.

            • Монгол улсад Ротару клуб үүсэн байгуулагдсаны 30 жилийн ойн баярын хүрээнд клубийн гишүүн 30 гаруй суралцагч, үүсгэн байгуулагч, анхны ерөнхийлөгч болох Т.Мишээлийн хамт энгэрийн тэмдэг гэрчилгээгээ Олон улсын Ротарийн 3450 дүүргийн 2024-2025 оны захирагч Найжэл Лөү, 2023-2024 оны захирагч асан Анди Ли, бүсийн захирагч асан Н.Мягмаржаргал, Бүсийн захирагчид Б.Долгорсүрэн, Б.Жавхлан, ээж клубийн төлөөллөөс гардан авлаа.

              Junioract хөдөлгөөн нь 6–12 насны хүүхдүүдэд "Өөрийгөө бусдын өмнө тавих" буюу “Service Above Self” хэмээх Ротаригийн үзэл санааг төлөвшүүлэх зорилготой бөгөөд тэднийг энэрэнгүй, хариуцлагатай, идэвхтэй иргэд болгон төлөвшүүлэхэд чиглэгддэг.

              Жуниорактын гишүүддээ бусдын төлөө цохилох зүрхтэй байж, эерэг нөлөө үзүүлж, өөрийгөө хөгжүүлэх аянд нь амжилт хүсье.

            • Миний сонголт – Миний ирээдүй

            • Зочин: Rokit Bay-Одонгийн Баярсайхан Монголын нэрт реппер, продюсер, найруулагч, жүжигчин

              “Миний ирээдүй” мэргэжил сонголтын талаарх уулзалтад 9-12 ангийн нийт 200 орчим сурагч оролцож сурагчдад өөрийн сонирхол, чадвар, үнэт зүйлд нийцсэн мэргэжлийг зөв оновчтой сонгоход урам зориг өгөх, чиглүүлэх явдал юм.

              Үүний хүрээнд: Амжилтад хүрсэн зочны бодит түүх, туршлагаар дамжуулан сурагчид карьер төлөвлөлтийн талаарх ойлголтоо тэлэх боломж болон мэргэжил сонголтод нөлөөлдөг хүчин зүйлсийг танин мэдэж, өөрийгөө эргэцүүлэн харах; Ирээдүйн зорилгоо тодорхойлоход дэмжлэг үзүүлэх, шийдвэр гаргах ур чадвар, хариуцлагын мэдрэмжийг төлөвшүүлэх; Сурагчдыг бие даан сэтгэх, асуулт асуух, өөрийн үзэл бодлыг илэрхийлэх идэвхтэй оролцоонд уриалж, зөв мэргэжлийн талаарх ойлголтыг ухамсарлуулан, хариуцлагатай шийдвэр гаргахад туслах тухай олон сайхан зөвлөмж өгч туршлагаа ярилаа. Сурагчид зочноос асуулт асууж сэтгэгдлийг нь сонсож дурсгалын зургаа татуулан уулзалт үйл ажиллагаа амжилттай өндөрлөлөө.

            • Хаврын Спартакиад

            • 3

              Xобби сургуулийн 2024-2025 оны хичээлийн жилийн “Хаврын Спартакиад” 5-р сарын 23-ны өдөр амжилттай болж өндөрлөлөө. Спартакиадын үеэр манай 6-12-р ангийн залуу тамирчид 60м, 100м гүйлт, 4x100м бууxиа гүйлт, байрнаас уртын xарайлт, бөмбөг шидэлт, олс таталт болон энэ жил шинээр оруулж ирсэн ангийн кросс гүйлт төрлүүдэд авхаалж самбаагаа сорьж, спортын шилдгүүдээ шалгаруулсан. Хурд, хүч, авхаалж самбаагаа сорьж амжилттай оролцсон нийт сурагчид, анги хамт олонд баяр хүргэе. Дурсамжтай, хөгжилтэй, спортлог тэр нэг өдрийн дүрс бичлэгийг таалан соёрхож үзнэ үү.

              6-7-Р АНГИ:

              Бөмбөг Шидэлт /Эм/:

              7b З.Хишигмаа

              7а Б.Бөртэ

              6b Ш.Амирлан

              Бөмбөг Шидэлт /Эр/:

              7b Д.Билэгт

              7а Д.Идэр

              7b Ө.Эрболд

              Байрнаас Уртын Харайлт /Эм/:

              7a Ц.Тэмүүлэн

              6с Е.Мишээл, 6b М.Нандин

              6b Э.Ариун-Эрдэнэ

              Байрнаас Уртын Харайлт /Эр/:

              7b Ч.Анар

              7с Г.Энхтулга

              6d Б.Түшиг

              60м гүйлт /Эм/:

              6с Ж.Энхжин

              6b М.Маргад

              7a Ц.Тэмүүлэн

              60м гүйлт /Эр/:

              7с М.Нэгүүн

              7b Ч.Анар

              7b Б.Эрмүүн

              Шилдэг анги:

              С.Доржмявхан багштай 7b анги

              Ш.Гаравхүү багштай 7a анги

              Б.Заяа багштай 6b анги

              8-9-Р АНГИ:

              Ангийн 400м Кросс Гүйлт:

              Д.Пүрэвсүрэн багштай 9a анги

              Б.Нямчимэг багштай 8b анги

              Г.Отгонсүрэн багштай 8c анги

              Байрнаас Уртын Харайлт /Эм/:

              8b Б.Индранил

              9b Э.Уярал

              8a А.Хулан

              Байрнаас Уртын Харайлт /Эр/:

              9c Г.Дөлгөөн

              8b М.Бат-Идэр

              8a М.Аригун

              100м гүйлт/Эм/:

              8b Б.Индранил

              8a А.Хулан

              9c Ч.Хулан

              100м гүйлт/Эр/:

              9b Э.Баясгалан

              9a Т.Төгөлдөр

              8с Х.Дүүрэндалай

              Олс Таталт:

              Ж.Сүрэнханд багштай 9с анги

              Г.Төмөрцоож багштай 8а анги

              Г.Отгонсүрэн багштай 8c анги

              Шилдэг анги:

              Б.Нямчимэг багштай 8b анги

              Г.Төмөрцоож багштай 8a анги

              Д.Пүрэвсүрэн багштай 9a анги

              10-12-Р АНГИ:

              Ангийн 800м Кросс Гүйлт:

              А.Болормаа багштай 12с анги

              Т.Дөлгөөн багштай 10а анги

              Д.Лхамсүрэн багштай 11а анги

              Буухиа 4x100м:

              Х.Сүрэн багштай 12а анги

              А.Болормаа багштай 12c анги

              Э.Хурцбилгүүн багштай 10c анги

              100м гүйлт /Эм/:

              11b А.Маргад

              11b Б.Нандин

              12c Б.Анумаа

              100м гүйлт /Эр/:

              11a Б.Гал-Эрдэнэ

              10с Г.Мөнхдалай

              12a Э.Хөлөгжин

              Олс Таталт:

              А.Болормаа багштай 12с анги

              Х.Сүрэн багштай 12а анги

              Д.Лхамсүрэн багштай 11а анги

              Шилдэг анги:

              А.Болормаа багштай 12c анги

              Х.Сүрэн багштай 12a анги

              Д.Лхамсүрэн багштай 11a анги

            • “Театрын музей” танхимын бус хичээл

            • 1

              2025.05.20-ны өдөр Хобби сургуулийн Монгол хэлний заах аргын нэгдлийн хамт олон “Театрын музей” танхимын бус хичээлээ зохион байгууллаа. Тус хичээлд 12 дугаар ангийн 76 суралцагч, анги удирдсан багш нар оролцсон юм.

              Монголын театрын тайз дэлгэцийн, урлагийн, эд өлгийн цор ганц, ховор нандин зүйлсийг дэлгэн сонирхуулсан тус музейн үнэт үзмэрүүд манай суралцагчдын сонирхлыг гойд татаж, оюуны мэлмийг нь мялаалаа.

              Монголын Театрын Музейн тайлбарлагчид үзвэрүүдээ танилцуулсны дараа тусган хүлээж авсан мэдлэг, мэдээллийг бататган “АХА” тэмцээнийг суралцагчдын дунд зохион байгуулж 12с ангийн суралцагч Б.Тод түрүүллээ.

            • "Гэрэлт-Эргэлт" сургалт

            • 1

              "Гэрэлт-Эргэлт" сургалт нь өсвөр насныханд зориулсан сэтгэл зүйн боловсрол олгох хөтөлбөр юм. Энэхүү хөтөлбөрийг сурагч болон эцэг эхчүүдэд зориулан 2 дахь жилдээ хийж байгаа мэдээг хүргэхэд таатай байна.

              Энэ удаагийн сургалтад 6-р ангийн 138 сурагч оролцлоо. Сургалт маань өсвөр насныхны найз нөхөд, үерхэл нөхөрлөл, эцэг эхийн харилцаанд ихэвчлэн гардаг асуудлуудыг хөндөн хэрхэн зөв хариу үйлдэл үзүүлэх талаар мэдээлэл олгож, үеийн найз нөхдөд нь сэтгэл зүйн тусламж хэрэгтэй болсныг таньж мэдэх, түүнд туслах арга замуудыг санал болгодгоороо онцлог юм.

              Хамтран ажилласан НСЗБ, АУБ, Менежер ажилчдадаа чин сэтгэлээсээ талархаж байна.

            • XIII ЗУУН ЦОГЦОЛБОР”-той танилцах танхимын бус хичээл

            • 4

              Хобби сургуулийн VII ангийн багш сурагчид 2025.05.17-ны өдөр “XIII ЗУУН ЦОГЦОЛБОР”-той танилцах танхимын бус хичээлээ зохион байгууллаа.

              Сурагчид XIII зууны үед монголчууд хэрхэн амьдарч, аж төрөн хөдөлмөрлөж байсныг харуулах зорилго бүхий “Харуулын отог”, “Бөөгийн отог”, “Номын өргөө”, “Их өргөө”-тэй танилцаж, сэтгэгдэл мэдрэмжээ илэрхийлэн, өртөөчилсөн аяллын зарчмаар шинэ мэдлэг бүтээж “Их өргөө”-нд тухлан өдрийн зоог барив.

              Мөн ангиуд хамт олноороо баг болон “Теннисний бөмбөг дамжуулах”, “Цагариг дамжуулах”, “Бөмбөг дамжуулах” гурван алхамт хөгжөөнт тоглоомоор өрсөлдсөнөөс Г.Бат-Орших багштай 7C анги “Тэргүүн” байр эзлэн, амттанаар шагнууллаа.

              Үүнээс гадна “Цонжин болдог” цогцолборын тайлбартай музейгээр зочилж, монгол хэл бичиг, уран зохиол, түүх, газар зүйн хичээлийн агуулгаар “АХА” тэмцээн зохион байгуулахад:

              7A анги Ц.Тэмүүлэн

              7B анги М.Саранчимэг

              7C анги Т.Гэрэлтболор

              7D анги М.Агар нар бусдыгаа хошуучлан “Тэргүүн” байр эзэлж, дурсгалын зүйлээр шагнуулав.

              Сурагчид шинэ мэдлэг бүтээн, танхимд үзсэн мэдлэгээ бататгаж, аян замын тэмдэглэл, илтгэх хуудас бичихэд зориулан нотолгоо, баримт цуглуулахын зэрэгцээ цэвэр агаарт тоглон наадаж, амралтын өдрөө үр бүтээлтэй өнгөрүүллээ.

            • CUB Indoor Camp-1

            • 11

              Хобби Скаут бүлгэм нь ХУД-ийн Скаутын холбоотой хамтран “CUB Indoor Camp-1” үйл ажиллагааг 2025.05.09-10-ны хооронд амжилттай зохион байгууллаа. Баяр хөөр, догдлол дүүрэн байгаа кабуудаа хүлээн авч хөтөлбөрийн дагуу үйл ажиллагаандаа орж нээлтийн үйл ажиллагааг Хобби сургуулийн бага боловсролын сургалтын менежер Д.Баянжаргал нээн эхлүүлж хаана ч байсан бие даах чадвартай, бусдад туслах эрмэлзэлтэй, эрэлч хайгуулч, бүтээлч байхыг хүслээ.

              Бага ангийнхан буюу 3-5 дугаар ангийн 150 гаруй суралцагчид оролцсоноороо онцлог болсон энэхүү “Cub indoor Camp-1” үйл ажиллагаанд 55 сайн дурын хүүхдүүд ч мөн хичээнгүйлэн ажилласанд талархал илэрхийлье.

              #Скаут бол хүнтэй найзалж нөхөрлөн бусадтай харилцах, өөрийгөө нээж илрүүлэх, асуудлыг шийдэх боломжийг олгодог хөдөлгөөн юм. Аливаад хариуцлагатай, өөрийгөө таних бусадтай харилцах хөгжүүлэх зорилгыг хэрэгжүүлэхэд дэмжлэг үзүүлэн хамтран ажилладаг эцэг эх, асран хамгаалагч та бүхэнд талархал илэрхийлье.

            • Урлагийн үзлэг

            • 11

              Хобби сургуулийн 2024-2025 оны хичээлийн жилийн "Урлагийн үзлэг" амжилттай зохион байгуулагдаж, 4-р сарын 5-нд сүр жавхлантайгаар өндөрлөлөө. Манай сурагчид жил бүр хүч хөдөлмөр сэтгэл гаргаж, авьяасаа тайзан дээр үзүүлдэг бөгөөд энэ жил урьд өмнө үзэж байгаагүй гайхамшигт үзүүлбэрүүдийг хүргэлээ. Оролцсон сурагчид болон тэднийг бэлтгэсэн багш нартаа чин сэтгэлийн баяр хүргэе! Ирэх жилийн урлагийн үзүүлбэрүүдийг тэсэн ядан хүлээж байна.

            • “Найрагч Хобби” яруу найргийн бэсрэг наадам 15 дахь жилдээ амжилттай болж өндөрлөлөө.

            • Эх хэл, соёлын 7 хоногийн хүрээнд жил бүр уламжлал болгон зохион байгуулдаг “Найрагч Хобби” яруу найргийн бэсрэг наадам 15 дахь жилдээ амжилттай болж өндөрлөлөө.

              Энэ жилийн наадам VI-VII анги, VIII-IX анги, X-XII анги, болон багш ажилтан, эцэг эх, асран хамгаалагч гэсэн 4 ангиллаар 1-р шатанд нийт 62 оролцогч бүтээлээ илгээж, 2-р шатанд ангилал бүрийн шилдэг 4 оролцогчийг шалгаруулан, шагнаж урамшууллаа.

              Энэ удаагийн наадмын шүүгчээр :

              МЗЭ-ийн яруу найргийн үндэсний төвийн тэргүүн, МЗЭ-ийн болон Г.Сэр-Одын нэрэмжит шагналт сэтгүүлч, яруу найрагч Н.Минжинсайхан, МЗЭ-ийн шагналт, Хүүхдийн зохиолын үндэсний төвийн тэргүүн, зохиолч яруу найрагч О.Сундуй, Г.Сэр-Одын нэрэмжит шагналт "Болор цом- 41" наадмын тэргүүн байрын эзэн, яруу найрагч С.Начин нар урилгаар ажиллалаа

              VI-VII ангийн ангилалд

              1-р байр - 6с ангийн сурагч Л.Энх-Ээл

              2-р байр - 7d ангийн сурагч Д.Төгөлдөр

              3-р байр - 7d ангийн ангийн сурагч Э.Амин-Эрдэнэ

              Тусгай байр - 7c ангийн сурагч Б.Итгэлт

              VIII-IX ангийн ангилалд

              1-р байр - 8b ангийн сурагч Д.Ариунзаяа

              2-р байр- 9а ангийн сурагч С.Гүнжинлхам

              3-р байр -9а ангийн сурагч Г.Амин-Эрдэнэ

              Тусгай байр- 8а ангийн сурагч Х.Хулангоо

              X-XII ангийн ангилалд

              1-р байр-11b ангийн сурагч Б.Хулан

              2-р байр- 12а ангийн сурагч Т.Нарансувд

              3-р байр- 12а ангийн сурагч Б.Танан

              Тусгай байр- 12а ангийн сурагч Э.Хөлөгжин

              Багш ажилтан, эцэг эх, асран хамгаалагчдын ангилалд

              1-р байр - Дизайн технологийн багш Б.Мөнхбүрэн

              2-р байр- Бага ангийн багш Н.Номин-Эрдэнэ

              3-р байр- Нийгмийн ухааны багш Б.Баярмаа

              Тусгай байр- Биеийн тамирын багш П.Биндэръяа

              Тусгай байр- Физикийн багш Х.Балжинням

              Тусгай байр- Хобби сургуулийн 2010 оны төгсөгч, 2а ангийн М.Хансүлдийн ээж Г.Минжиннаваг нар тус тус шалгарлаа.

            • Эх хэл, соёлын 7 хоногийн хүрээнд “Дээлтэй Монгол” өдөрлөг боллоо.

            • Өдөрлөгийн үеэр Хобби сургуулийн нийт хамт олон үндэсний дээл хувцсаараа ижилсэн гоёж, дунд ангийн сурагчид аман билгийн үгсээр мэндчилгээ дэвшүүлж, шагай наадгай наадан, ахлах ангийн сурагчид үндэстэн, ястны уламжлалт хувцсыг өмсөж танилцуулсан өргөн дэлгэр үйл ажиллагаа боллоо.

            • Ухаанаас ургасан цэцэгс бүтээлийн үзэсгэлэн

            • Эх хэл, соёлын 7 хоногийн хүрээнд 6-12 дугаар ангийн сурагчид хичээлийн жилийн турш уншсан эх зохиолуудаас өөрт төрсөн мэдрэмж сэтгэгдэл, бодол эргэцүүллээ үндэсний бичгээр тэрлэн "Ухаанаас ургасан цэцэгс" үзэсгэлэнгээ толилууллаа.

            • Жуниоракт клуб

            • Хобби сургууль дээр Монголын анхны Жуниоракт клуб бүртгэгдэн байгуулагдсан мэдээг хүргэхэд таатай байна. Манай клубын гишүүд бусдын төлөө гэсэн сэтгэлтэйгээр хүмүүст туслах, хамтдаа хөгжих, олон найз нөхөд танилтай болох зорилгоор 4-5 дугаар ангийн 20 гаруй сурагч эв санаагаараа нэгдлээ.

              Бидний анхны төсөл нь Азийн сантай хамтран “Хамтдаа уншицгаая” төслийн хүрээнд Хүүхдийн ном орчуулгын сайн дурын арга хэмжээг Ротари, Интеракт клубуудын төлөөллүүдийн оролцоотойгоор зохион байгуулж, өөрсдөө гар бие оролцон ажиллах юм.

              Цаашид бид сургууль дээрээ насны онцлогт тохирсон төслүүдийг санаачлан ажиллахаас гадна бусад клубуудын төсөл арга хэмжээнд хамтран ажиллаж, аливаа үйл ажиллагааг зохион байгуулан, хариуцлагатайгаар, багаар, тууштайгаар энэрэн хайрлах сэтгэлийг нэмэгдүүлэн өөрсдийн бүхий л чадварыг хөгжүүлэн хамтран ажиллах болно.

              Ротари ээж клуб, сургуулийнхаа Интеракт клубын ах эгч нараасаа олон зүйлийг суралцаж Жуниоракт клубт цаашид хамтдаа хөгжих болно.

            • "ГЭРЭЛ ТҮГЭЭЕ" аян

            • Хан-Уул дүүргийн Эко Нэгдсэн эмнэлгийн Хүүхдийн эрчимт эмчилгээний тасагт тусламж үйлчилгээний чанар, хүртээмжийг сайжруулах өөрсдийн сурсан мэдсэн зүйлээ бусдын сайн сайхны төлөө зориулах зорилгоор Хобби сургуулийн хамт олон ГЭРЭЛ ТҮГЭЭЕ аяныг зохион байгуулж 10 сая төгрөгийн үнэ бүхий судас тодосгогч аппарат, зүрхний цахилгаан бичлэгийн аппарат, цоорлын эсрэг гудас гэх мэт эмчилгээний тоног төхөөрөмжүүдийг гардуулан өгөв.

              Мөн сургуулийн бага ангийн Fine art дугуйлангийн сурагчдын тусч энэрэнгүй сэтгэлээ шингээн зурсан гар зургууд энэхүү хандивын бас нэгэн чухал хэсэг нь байсан юм.

              Эрхэм хүндэт "Хобби" сургуулийн суралцагч, эцэг эх, асран хамгаалагч, багш, ажилтан Та бүхэндээ бяцхан үрсийн эрүүл энхийн төлөөх сайн үйлсийг үргэлж дэмжиж хамтдаа байдагт тань чин сэтгэлийн талархал илэрхийлж сайн сайхан бүхнийг хүсэн ерөөе.

              Сайн үйлс дэлгэрэх болтугай.

              10

            • Бяцхан зүрхэнд "ГЭРЭЛ ТҮГЭЭЕ" аянд нэгдэхийг уриалж байна.

            • “Хобби” сургуулийн сурагч нь сурсан мэдсэн зүйлээ бусдын сайн сайхны төлөө зориулдаг, хүнлэг сайхан сэтгэлтэй эх оронч иргэн болж, Монгол Улс болон сургуулийнхаа нэр хүндийг ямагт өндөрт авч явахыг эрмэлздэг.

              Тийм ч учраас Хан-Уул дүүргийн Хүүхдийн эрчимт эмчилгээний тасаг нь 0-18 насны хүүхдийн нэг болон түүнээс дээш эрхтний цочмог дутагдал эсвэл архаг дутагдал цочмогоор хүндэрсэн яаралтай амь насанд заналхийлэл илэрсэн тохиолдлуудад эрчимт эмчилгээний тусламжийг үзүүлдэг тасагт эмчлүүлж байгаа хүүхдүүдэд аюулгүй, тав тухай, ээлтэй орчин бүрдүүлэхэд мөн тусламж үзүүлж шаардлагатай тоног төхөөрөмж болон эд материалын тусламж үзүүлэхээр хандивын аян зохион байгуулж байна.

              Иймээс Хобби сургуулийнхаа эрхэм хүндэт нийт суралцагч, эцэг эх, асран хамгаалагч, төгсөгч, багш ажилтан та бүхнийг энэхүү хандивын аянд нэгдэхийг уриалж байна.

    • Login