• News

    Hobby School was the first to introduce the international AP curriculum and dual English-Mongolian learning into Mongolia. We pride ourselves in academics, and do our utmost best to ensure a comfortable learning environment for students and teachers alike.

  • News

            • “Hobby Drama Competition 2025” – Шилдэг дүр ба шилдэг жүжгийн эзэд тодорлоо!

            • 26

              Энэ жилийн жүжгийн үзүүлбэрүүд сурагчдын авьяас, бүтээлч сэтгэлгээ, багаар ажиллах чадварыг гайхалтайгаар харууллаа!

              6–7-р ангийн ангилал:

              Шилдэг жүжиг: 7A – “In Search of the Spots”

              Шилдэг эмэгтэй дүр: 7C – “Caroline” жүжгийн Амарсанаа овогтой Төгсгоо (Caroline)

              Шилдэг эрэгтэй дүр: 7D – “Harry Potter” жүжгийн Батболд овогтой Бат-Ирээдүй (Dumbledore)

              8–9-р ангийн ангилал:

              Шилдэг жүжиг: 9B – “Хөхөө Намжил”

              Шилдэг эмэгтэй дүр: 8D – “Wednesday” жүжгийн Эрдэнэбаяр овогтой Амин-Эрдэнэ (Wednesday)

              Шилдэг эрэгтэй дүр: 8A – “Home Alone” жүжгийн Долгион овогтой Ананд (Harry)

              10–12-р ангийн ангилал:

              Шилдэг жүжиг: 11A – “The Government Inspector”

              Шилдэг эмэгтэй дүр: 10C – “Mistress of the Inn” жүжгийн Алтангэрэл овогтой Минжинсор

              Шилдэг эрэгтэй дүр: 12C – “Tartuffe” жүжгийн Бямбадорж овогтой Амарчингүн

              Бүх сурагчдадаа баяр хүргэе!

            • “Алтан намар” гар зургийн уралдаан

            • Хобби сургуулийн 1–12-р ангийн сурагчдын дунд “Алтан намар” сэдэвт гар зургийн уралдаан болж, шилдгүүдээ тодрууллаа!

              Уралдаан 4 насны ангиллаар явагдсан бөгөөд дараах сурагчид шилдгээр шалгарлаа

              1–3-р ангийн ангилал

              Тэргүүн байр – 2C Түвшинбат

              Дэд байр – 3D Б.Хулан

              Гутгаар байр – 1D Номуулин

              4–6-р ангийн ангилал

              Тэргүүн байр – 5A Уранбилиг

              Дэд байр – 5A Б.Сондор

              Гутгаар байр – 5D Б.Ундрам

              7–9-р ангийн ангилал

              Тэргүүн байр – 8A Б.Номинноров

              Дэд байр – 9C Намулун

              Гутгаар байр – 8B Б.Эмүжин

              10–12-р ангийн ангилал

              Тэргүүн байр – 11C Б.Учрал

              Дэд байр – 10B А.Энх-Амьдрал

              Гутгаар байр – 11C А.Бүжмаа

              Дараа жилийн “Алтан намар”-аар дахин уулзъя!

            • Хобби сургуулийн нийт багш скаутын “Сургагч багш” боллоо.

            • 2025 оны 10-р сарын 23-ны өдөр Хобби сургуулийн хамт олон бид Монголын Скаутын Холбоотой хамтран хүүхэд бүрийн төлөвшил, зан чанар, багаар ажиллах чадвар болон ёс суртахууны төлөвшилд чиглэсэн үнэ цэнтэй сургалтад амжилттай хамрагдлаа.

              Энэхүү сургалтад Монгол болон гадаад багш нар маань бүрэн хамрагдаж, скаутын:

              • үнэт зүйлс

              • үндсэн зарчим

              • арга зүй, хөтөлбөрийн онцлогийг

              сурч, сургалт болон өдөр тутмын үйл ажиллагаандаа нэвтрүүлэх ур чадвар эзэмшсэн юм.

              Үүний үр дүнд Хобби сургууль, багш нар нь бүрэн бүрэлдэхүүнээрээ “Сургагч багш”-аар батламжлагдсан Монголын анхны сургууль боллоо.

              Батламжаа гардан авсан багш нартаа халуун баяр хүргэе!

              Хамтран ажилласан Монголын скаутын холбооны удирдлагууддаа баярлалаа.

            • Nihongo Partners хөтөлбөр – Соёлын солилцооны өдөр

            • 3

              2025 оны 10-р сарын 21-нд Nihongo Partners хөтөлбөрийн хүрээнд Японы багш нар манай сургуульд зочиллоо. Зочин багш нар сурагчдад япон улсын соёлын тухай хичээл зааж, сургуулийн орчин, сургалтын үйл ажиллагаатай танилцаад буцлаа.

              Хамтын ажиллагааны энэ өдрийг улам үнэ цэнтэй болгосон,

              хөтөлбөрт идэвхтэй оролцож хамтран ажилласан бүх багш, сурагчдадаа талархал илэрхийлье.

              Монгол соёлоо түгээн сурталчлахын тулд сурагчид маань зочдодоо:

              • Морин хуурын аялгуу

              • Алтайн ятгын эгшгээр

              сэтгэл булаам мэндчилгээ өргөлөө.

              Соёлын харилцан ойлголцол, найрамдлын шинэ гүүр бий болсон сайхан өдөр байлаа.

            • Багш нар хамтдаа суралцаж, хөгжсөөр...

            • 2

              2025.10.21-ний өдөр Хобби сургууль нийт багш, хамт олныхоо дунд "Багш ба Хүүхэд–2" өртөөчилсөн сургалтыг амжилттай зохион байгууллаа. Уг сургалтыг хоёр дахь жилдээ Нийгэм, сэтгэл зүйн баг амжилттай удирдан явуулсан бөгөөд хамтын сургалт, хөгжлийн бодит жишээ боллоо.

              Сургалт дараах 5 өртөөгөөр өрнөлөө:

              Хүүхэд хамгаалал ба соёл

              Зөрчил ба соёл

              Харилцаа ба соёл

              Тэгш хамруулах ба соёл

              Сэтгэл зүй ба соёл

              Багш нар маань туршлага, санаа бодлоо хуваалцан, харилцан суралцаж, хамтдаа хөгжих урам зориг дүүрэн, үр дүнтэй өдөр байлаа.

              Сургалтын зорилго:

              Хүүхдийн хөгжил, хамгаалал,

              Сургуулийн соёлыг хичээл, харилцаандаа шингээх,

              Сэтгэл зүйн эерэг орчин бүрдүүлэх,

              Зөрчил шийдвэрлэх ур чадварыг нэмэгдүүлэх,

              Тэгш хамруулах боловсролын үзэл баримтлалыг ойлгож, хэрэгжүүлэхэд оршсон юм.

              Идэвхтэй оролцож, урам зоригтойгоор хамтран ажилласан нийт багш нартаа халуун талархал илэрхийлье.

              Бид хамтдаа суралцаж, хамтдаа хөгждөг!

            • З.Эрхэснабил

            • Манай 2024 оны төгсөгч З.Эрхэснабил сургуулийнхаа номын санд зориулж АНУ-аас бэлэг явуулжээ. Сургуулийн дүү нарынхаа боловсрол, эрдэм номд ямагт анхаарч ирсэн мундаг шавьдаа гүн талархал илэрхийлье.

            • "Учиртай гурван толгой"-н ертөнцөөр аялсан сонгодог үдэш

            • Хобби сургуулийн 12 дугаар ангийн суралцагчид (УДБЭТ) Улсын Дуурь Бүжгийн Эрдмийн Театрын 63 дахь улирлын нээлтийн тоглолт “Учиртай гурван толгой” дуурийг хамт олноороо үзэж мэлмий, сонор, оюунаа цэнгүүлэв. Суралцагчид маань монголын анхны үндэсний дуурь болох "Учиртай гурван толгой" дуурийн 2469 дэх тоглолтоор уран зохиолын танхимд судалсан агуулга, театрын соёлын талаарх мэдлэг ойлголтоо бататгаж дурсамж дүүрэн сонгодог үдшийг бүтээлээ.

            • “Нөхөрсөг үе тэнгийнхэн” сургалтад хамрагдлаа!

            • Хобби сургуулийн 9 болон 6-р ангийн сурагчид Эмнести Интернэшнл олон улсын байгууллагаас зохион байгуулсан “Нөхөрсөг үе тэнгийнхэн” сэдэвт сургалтад хамрагдлаа.

              Сургалтын үеэр сурагчид:

              Үе тэнгийнхэнтэйгээ зөв, эерэг харилцах

              Бусдыг хүндэтгэх, ойлгох

              Зөрчлийг шийдвэрлэх эерэг арга замуудыг хэрэглэх

              Эерэг, дэмжлэгтэй орчин бүрдүүлэх

              тухай мэдлэг, ур чадвар эзэмшиж, идэвхтэй хамтран оролцлоо.

              Сургалтыг мэргэжлийн түвшинд удирдан чиглүүлсэн Эмнести Интернэшнл байгууллагын сургагч багш нартаа талархал илэрхийлье!

            • Скаут бол амьдралын сургууль!

            • 1

              Хобби Скаутын бүлгэмийн 2025–2026 оны хичээлийн жилийн нээлт амжилттай боллоо!

              Скаутын үйл ажиллагаанд оролцсоноор сурагчид

              идэвх санаачилгатай,

              багаар ажиллах чадвартай,

              бие даан сэтгэдэг,

              байгаль орчноо хайрладаг,

              бусдыг хүндэтгэдэг, нийгэмдээ эерэг нөлөө үзүүлэгч иргэн болон төлөвшдөг.

              Энэ жил “Хобби Скаутын бүлгэм” 1–11-р ангийн сурагчдаас шинэ элсэлтээ авч, олон олон шинэхэн гишүүдээр эгнээгээ тэллээ!

              Скаут бол зүг чигээ олдог луужин мэт — амьдралын замд зөвийг сонгох хөтөч юм.

              Эрхэм багш нартаа болон эрч хүч, урам зориг дүүрэн скаутуудаа амжилт хүсье!

              Хичээл зүтгэл бүхэн чинь үр дүн болон цэцэглэж, амжилтаар дүүрэн байх болтугай.

            • 2025–2026 оны хичээлийн жилийн Бага болон Дунд ангийн Хөл бөмбөгийн аварга шалгаруулах тэмцээн өндөрлөлөө!

            • 3

              Сурагчид авьяас чадвар, эв нэгдэл, спортын ур чадвараа бүрэн харуулж, сэтгэл хөдөлгөм тоглолтууд өрнөлөө.

              Төрлүүдийн амжилт үзүүлсэн ангиуд:

              3–5-р ангийн төрөл

              1-р байр – 5d анги (Г.Сарангэрэл багштай баг)

              2-р байр – 5а анги (Э.Энхцэцэг багштай баг)

              3-р байр – 3а анги (Б.Номин-Эрдэнэ багштай баг)

              6–7-р ангийн төрөл

              1-р байр – 6а анги (Б.Вандансүрэн багштай баг)

              2-р байр – 7е анги (Б.Урангуа багштай баг)

              3-р байр – 7а анги (П.Сарангарав багштай баг)

              8–9-р ангийн төрөл

              1-р байр – 8b анги (С.Доржмявхан багштай баг)

              2-р байр – 9а анги (Г.Төмөрцоож багштай баг)

              3-р байр – 9c анги (Г.Отгонсүрэн багштай баг)

              Тэмцээнд идэвхтэй оролцсон бүх анги, сурагчид, дасгалжуулагч багш нартаа баяр хүргэе!

              Хөдөлгөөнтэй, эрүүл, авьяаслаг ирээдүйг хамтдаа бүтээцгээе!

            • Гамшгаас хамгаалах дадлага сургалт

            • “Хобби” сургуулийн 10А, 10B, 10C ангийн нийт 76 сурагч

              Гамшгаас хамгаалах сургалт, арга зүйн төвийн 116 дугаар анги дээр зохион байгуулагдсан сургалт, дадлагад хамрагдлаа.

              Сургалтын үеэр сурагчид дараах сэдвүүдээр онол болон дадлагын хичээлд оролцсон юм:

              Аюулгүй өрхийн танхим

              Эмнэлгийн анхан шатны тусламж үзүүлэх

              Утаат орчноос аврах ажиллагаа

              Гал унтраах дадлага

              Газар хөдлөлтийн үеийн дадлага

              Энэхүү сургалтын зорилго нь сурагчдад гамшгаас урьдчилан сэргийлэх мэдлэг, анхан шатны тусламж үзүүлэх чадвар, аюулгүй байдлын дадал олгох байлаа.

            • “Намрын өнгө” танхимын бус сургалт

            • 2025 оны 9-р сарын 27-ны Бямба гарагт 10-р ангийн сурагчид Богд уул – Сүхийн талбай буюу Дугуй цагаан чиглэлд явган аялал хийж, анги хамт олон, үеийн найзуудтайгаа нэг өдрийг хөгжилтэй, утга учиртайгаар өнгөрүүллээ.

              Байгалийн сайханд, цэвэр агаарт сурагчид анхаарлаа төвлөрүүлэн “Анапана” бясалгал хийж,

              Монгол хэлний хичээлээр намрын тухай хөрөг бичиж,

              Биологийн хичээлээр ажлын хуудсаа гүйцэтгэн,

              SEEL-ийн хичээлээр өөрийгөө энэрэх, урам зориг өгөх талаар эргэцүүлэн бодлоо.

              Саадыг даван туулж, өөрийгөө хөгжүүлж чадсан сурагчдадаа болон хамтран ажилласан багш нартаа баярлалаа!

            • “Монгол ухаан – Эрдэм” хөтөлбөрийн нээлт

            • 5

              2025 оны 9 дүгээр сарын 22-нд Хобби сургуулийн 11-р ангийн сурагчид “Монгол ухаан – Эрдэм” хөтөлбөрийнхөө нээлтийг ёслол төгөлдөр хийж, 5 хоногийн турш уламжлалт ахуй, арга ухааны мэдлэгт суралцлаа.

              Энэ удаагийн сургалтаар:

              Эрэгтэй сурагчид мах эвдэх арга, үе мөч ясны бүтэц ялгах, мах махан бүтээгдэхүүний боловсруулалтын талаар суурь ойлголтыг эзэмшиж чадлаа.

              Эмэгтэй сурагчид малын гэдэс, дотор эрхтнийг нэрлэх, цэвэрлэх, бэлтгэх, амтлах уламжлалт арга технологийг эзэмшлээ.

              Өв соёлоо хүндэтгэн, ахуй мэдлэгээ өвлөн авч буй сурагчид маань эх оронч, бүтээлч иргэн болон төлөвшиж байгаа нь Хобби сургуулийн зорилго, үнэт зүйлсийн бодит биелэл юм.

            • “Монгол өв соёл” танхимын бус сургалтаас...

            • 8

              2025 оны 9-р сарын 18, 24-нд “Монгол ухаан – Эрдэм” хөтөлбөрийн хүрээнд 1-р ангийн 4 бүлгийн 108 сурагчид маань Монгол өв соёл, хүүхэд хөгжлийн төвтэй хамтран танхимын бус сургалтад хамрагдлаа.

              Сурагчид маань монгол ахуй, өв соёл, ёс заншлыг мэдэж танин, дурсамж дүүрэн өдрүүдийг өнгөрүүлэв.

              Хүндэтгэлийн өргөө: гал түлэх ёс, есөн хөлт цагаан туг, төрийн бэлгэдэл, морин хуур, эрийн гурван наадамтай танилцаж, хүүхэд бүр нум сум харваж, аргал түүв.

              Малчны өргөө: таван хошуу малын ач тус, малчин айлын ахуй, хэрэглээний эд зүйлсийг үзэж сонирхов.

              Наадгайн өргөө: шагайгаар тоглож, хөгжмийн зэмсэг болон үндэсний хувцастай танилцлаа.

              Энэхүү сургалтыг амжилттай хэрэгжүүлсэн Монгол өв соёл, хүүхэд хөгжлийн төвийн хамт олон болон анги даасан багш нартаа талархал илэрхийлье.

            • Замын хөдөлгөөний аюулгүй байдлын сургалт

            • 2025 оны 9-р сарын 24-ний өдөр Хобби сургуулийн 6–12-р ангийн сурагчид замын хөдөлгөөний аюулгүй байдлын талаарх сургалтад хамрагдлаа.

              Сургалтыг Хан-Уул дүүргийн Замын цагдаагийн хэлтсийн урьдчилан сэргийлэх хариуцсан мэргэжилтэн, цагдаагийн дэд ахлагч Д.Ган-Эрдэнэ удирдан явуулж, сурагчдад:

              Замын хөдөлгөөний дүрмийн анхан шатны ойлголт

              Зам хөндлөн гарахдаа анхаарах зүйлс

              Дугуй болон цахилгаан хэрэгсэлтэй хөдөлгөөнд оролцох үеийн аюулгүй байдал

              зэрэг чухал мэдээллийг онол, практик хэлбэрээр хүргэлээ.

              Энэхүү сургалт нь сурагчдад замын хөдөлгөөнд зөв, хариуцлагатай оролцох дадлыг төлөвшүүлэхэд чухал ач холбогдолтой байлаа.

            • СОЛИЛЦОХ ХУДАЛДАА

            • Эх дэлхийгээ хайрлая!

              Өөрөө ашиглахгүй байгаа ч өрөөлд хэрэгтэй байж мэдэх зүйлсээ өгч, хэрэгтэй зүйлээрээ солилцон борлуулцгаая!

              Хэзээ: 2025.09.26 /16:30–18:30/

              Хаана: Хобби сургуулийн 2-р давхрын спорт зааланд болно.

              Хүн бүрд нээлттэй!

              (Багш, ажилтан, сурагч, эцэг эх бүгд оролцох боломжтой)

              Юу авчирч болох вэ?

              • Шинээрээ шахуу, цэвэрхэн эд зүйлс

              • Өөрөө ашиглахгүй байгаа ч өрөөлд хэрэгтэй байж мэдэх зүйлс

              • Мэдээж та өөрийн гэсэн бараа борлуулдаг бол мөн л худалдаалж болно

              Жишээ:

              • Нүүрний будаг

              • Өмсөхгүй байгаа шинэвтэр хувцас

              • Ашиглахгүй байгаа тоног төхөөрөмж

              • Уншиж дуусгасан ном

              • Бэлгэд давхардаж ирсэн цахилгаан бараа… гэх мэт өөр бусад зүйлс ч байж болно.

              Үйл ажиллагааны заавар:

              • Бусдын авчирсан зүйлтэй солилцох

              • Өөрийн үнээр борлуулах

              • Өөрт хэрэгтэй шинэ зүйлсээ олох

              Худалдаа хийх талбайг бүрэн бэлдсэн байгаа.

              Та зөвхөн борлуулах, солилцох зүйлсээ авчирч оролцоно.

              Хамтдаа эх дэлхийгээ хайрлан, дахин хэрэглэх соёлыг дэмжицгээе!

            • “НАМРЫН СПОРТЫН ИХ НААДАМ АМЖИЛТТАЙ БОЛЖ ӨНДӨРЛӨЛӨӨ!”

            • 84

              9-р сарын 19-ний өдөр Хобби сургуулийн 6–12-р ангийн суралцагчид Намрын спартикиадад оролцож, хурд хүч, ур чадвар, хамтын хүч, эв нэгдлээ харуулсан спортын дурсамжит өдөрлөгийг бүтээлээ.

              Тэмцээний турш хүүхдүүд бие сэтгэлээ дайчлан, ялалт, ялагдлын үнэ цэнийг мэдэрч, нөхөрлөл, бахархлыг хамтдаа хуваалцсан онцгой мөчүүдийг өнгөрүүллээ.

              6‑7‑р анги

              60м гүйлт

              Эрэгтэй: 7b – М.Бүтэмж • Эмэгтэй: 7b – М.Маргад

              Эрэгтэй: 6b – О.Зориг • Эмэгтэй: 7c – Ж.Энхжин

              Эрэгтэй: 7a – Б.Амир • Эмэгтэй: 7b – Э.Номуун

              Бөмбөг шидэлт

              Эрэгтэй: 7e – М.Билгүүн • Эмэгтэй: 7e – М.Шүр

              Эрэгтэй: 7d – Б.Түшиг • Эмэгтэй: 7e – Х.Маргад

              Эрэгтэй: 7e – Э.Энххан • Эмэгтэй: 7b – М.Нандин

              Байрнаас уртад харайлт

              Эрэгтэй: 7b – Э.Энхтэнүүн • Эмэгтэй: 7c – Д.Эгшиглэн

              Эрэгтэй: 7e – Э.Энххан • Эмэгтэй: 7c – Е.Мишээлт

              Эрэгтэй: 6c – И.Аригун • Эмэгтэй: 7b – Э.Ариун‑Эрдэнэ

              Олс таталт

              7d анги (Б.Оюундэлгэр багштай)

              7b анги (Б.Заяа багштай)

              7c анги (Г.Гантуяа багштай)

              Нийт төрлүүдийн нийлбэр дүнгээр (6–7-р анги)

              7b анги (Б.Заяа багштай)

              7e анги (Б.Урангуа багштай)

              7c анги (Г.Гантуяа багштай)

              8‑9‑р анги

              100м гүйлт

              Эрэгтэй: 9a – Т.Номон • Эмэгтэй: 9b – Б.Индранил

              Эрэгтэй: 9b – М.Бат-Идэр • Эмэгтэй: 9a – А.Хулан

              Эрэгтэй: 8b – Анар • Эмэгтэй: 8a – Ц.Тэмүүлэн

              Байрнаас уртад харайлт

              Эрэгтэй: 9b – Б.Мөнхравжаа • Эмэгтэй: 9b – Б.Индранил

              Эрэгтэй: 9b – М.Бат-Идэр • Эмэгтэй: 9b – С.Энэрэл

              Эрэгтэй: 8b – Анар • Эмэгтэй: 9a – А.Хулан

              Олс таталт

              9c анги (Г.Отгонсүрэн багштай)

              8a анги (Ш.Гаравхүү багштай)

              8c анги (Г.Бат-Орших багштай)

              Анги нийтийн кросс

              9b анги (Б.Нямчимэг багштай)

              8d анги (Ж.Эрдэнэцэцэг багштай)

              9a анги (Г.Төмөрцоож багштай)

              Нийлбэр дүнгээр (8–9-р анги)

              9b анги – Б.Нямчимэг багштай

              9а анги – Г.Төмөрцоож багштай

              8с анги – Г.Бат-Орших багштай

              10‑12‑р анги

              100м гүйлт

              Эрэгтэй: 12a – Б.Гал-Эрдэнэ • Эмэгтэй: 12в – А.Маргад

              Эрэгтэй: 11с – Г.Мөнхдалай • Эмэгтэй: 11с – М.Хүслэн

              Эрэгтэй: 10а – Т.Төгөлдөр • Эмэгтэй: 11с – Б.Эрхлэн

              Олс таталт

              12с анги (О.Батжаргал багштай)

              11с анги (Э.Хурцбилгүүн багштай)

              12а анги (Д.Лхамсүрэн багштай)

              Анги нийтийн кросс

              11а анги (Т.Дөлгөөн багштай)

              12а анги (Д.Лхамсүрэн багштай)

              12с анги (О.Батжаргал багштай)

              Буухиа гүйлт 4x100

              11с анги (Э.Хурцбилгүүн багштай)

              12а анги (Д.Лхамсүрэн багштай)

              12b анги (Э.Нинжинноров багштай)

              Нийлбэр дүнгээр (10–12-р анги)

              11с анги – Э.Хурцбилгүүн багштай

              12а анги – Д.Лхамсүрэн багштай

              12b анги – Э.Нинжинноров багштай

              Бүх багш, сурагчдадаа баяр хүргэе!

              Та бүхний хөдөлмөр, эв нэгдэл, спортын хурд хүч энэ тэмцээнийг гайхамшигтай сайхан болгож чадлаа.

              Амжилтаа улам ахиулсаар байгаарай!

              Зохион байгуулагч Гоо Зүйн нэгдэл

            • "МОНГОЛ ӨВ СОЁЛ" танхимын бус сургалтаас...

            • 2025.09.13-ны Бямба гарагт Хобби сургуулийн 8-р ангийн суралцагчид “Чингисийн хүрээ” жуулчны баазад “Монгол ухаан – Эрдэм” хөтөлбөрийн хүрээнд зохион байгуулсан танхимын бус сургалтад хамрагдлаа.

              Суралцагчид:

              “МОНГОЛ ГЭР” өртөөгөөр аялж гэрийн бүрдэл хэсгийг судлав.

              "МОНГОЛ БӨХ" өртөөнд

              Улсын ахлах засуул Д.Ганболд багш бөхийн өв соёл , үүх түүх, өмсгөлийн талаар ярьсан ба бөхийн цолыг дуудаж сонирхууллаа.

              "АЖНАЙ" өртөөнд С. Доржмявхан багш маань адуу маллах өв соёлын талаар суралцагчдад танилцуулж, морины явдал, эмээл, хазаар, эдлэл хэрэглэлийг нэрлэн танилцуулж "Ажнай өртөө"-ний адуучин залуусын хамт суралцагчдад морь унуулж, хөтөллөө.

              Уран зохиолын хичээл дээр үзсэн “Монгол ардын ерөөл, магтаал” сэдвээ бататган, багаараа ажлын хуудас бөглөж, суралцахын зэрэгцээ цэвэр агаарт хөгжилдөж нэг өдрийг дурсамж дүүрэн өнгөрүүллээ.

              Хамтран ажилласан Чингисийн Хүрээ жуулчны бааз -ын хамт олон болон анги даасан багш нар, зохион байгуулсан Хобби сургуулийн " Монгол хэлний мэргэжлийн хөгжлийн бүлэг", МХБУЗ-ын багш А.Болормаа, Б.Энхчимэг нартаа гялайлаа.

            • "Дорнын өргөө"

            • “Манай сургууль сурагчдын бүтээлч үйл ажиллагаа, хэл соёлын хичээлийг дэмжих зорилгоор ‘Дорнын өргөө’ нэртэй шинэ танхимыг тохижуулан, сурагчдын хэрэгцээнд зориулан ашиглалтад орууллаа.”

              Хүүхдийн дуу цангинасан хүсэл мөрөөдлийн өргөө сургууль минь ийнхүү өнгө нэмж тохижсоор л байна.

              “Суралцагчид, багш нартаа мэдлэг бүтээх үйлсэд нь өндөр амжилт хүсье.”

              “Хамтдаа хөгжиж, ирээдүйгээ бүтээе”

              “Дорнын өргөө” танхимын тохижилтын ажлыг чанартай хийж гүйцэтгэсэн Render LLC компанийн хамт олондоо талархал илэрхийлье.

    • Login